Հայաստանի մէջ հարկ վճարողներու կողմէ 2023 թուականի Մայիսի համար ներկայացուած եկամտային հարկի եւ ընկերային վճարումի հաշուարկներուն տուեալներով` եկամուտ ստացող աշխատատեղիներու թուաքանակը կազմած է 718.266, ինչ որ գերազանցած է նախորդ տարուան նոյն ամսուան ցուցանիշը` 45 հազար 42-ով կամ 6,7%-ով: Այս մասին Ֆէյսպուքի իր էջով տեղեկացուցած է ՀՀ Պետական Եկամուտներու Կոմիտէն։
Ըստ աղբիւրին՝ հարկ վճարողներու կողմէ դուրս գրուած հաշուարկային փաստաթուղթերու (այդ շարքին` ՀԴՄ կտրօններու) տուեալներով` 2023 թուականի Մայիսին իրականացուած է 55,3 միլիոն գործարք` 978,7 միլիառ դրամ արժէքով, ինչ րո գերազանցած է նախորդ տարուան նոյն ժամանակահատուածին ցուցանիշը` քանակային 3,6 միլիոն գործարքով կամ 7,1%-ով, իսկ արժէքային` 186,2 միլիառ ՀՀ դրամով կամ 23,5%-ով:
