Ռեճեպ Թայիպ Էրտողանը երդմնակալութեամբ ստանձնեց Թուրքիոյ նախագահի պաշտօնը․ «Որպէս նախագահ ես կ’երդնում իմ պատիւով ու ազնուութեամբ մեծ թրքական ժողովուրդին առջեւ` ամբողջ ուժով աշխատիլ` պաշտպանելու պետութեան գոյութիւնն ու անկախութիւնը, անկողմնակալ կատարել իմ պարտքը»:
Երդմնակալութեան արարողութիւնը տեղի ունեցաւ Թուրքիոյ խորհրդարանին` Ազգային մեծ ժողովին մէջ:
Ռեճեպ Էրտողանը խորհրդարանէն ուղեւորուած է ժամանակակից Թուրքիոյ հիմնադիր Քեմալ Աթաթուրքի դամբարան: Վերընտրուած նախագահի երդմնակալութեան արարողութիւնը տեղի ունեցաւ Թուրքիոյ նախագահական նստավայրին մէջ:
Այդ արարողութեան հրաւիրուած էին տասնեակ երկիրներու ղեկավարներ ու բարձրաստիճան պաշտօնեաներ, այդ շարքին` Հայաստանի վարչապետ Նիկոլ Փաշինեանը:
Պատրիարք Սահակ Արք. Մաշալեան, Վարչապետ Նիկոլ Փաշինեան, նախագահ Ռեճեփ Թայյիպ Էրտողան, Իսթանպուլի նորընտիր երեսփոխան տքթ. Սեւան Սվաճըօղլու եւ Գարակէօզեան Տան խնամակալութեան ատենապետ Տիգրան Կիւլմէզկիլ
Փաշինեանին կ’ուղեկցէր Ազգային Ժողովի փոխխօսնակ, Հայաստան-Թուրքիա երկխօսութեան գործընթացին մէջ հայկական կողմի բանագնաց Ռուբէն Ռուբինեանը: Անգարայի «Էսենպոկա» օդակայանին մէջ զանոնք դիմաւորած է հայ-թրքական յարաբերութիւններու կարգաւորման թրքական կողմի բանագնաց դեսպան Սերտար Քըլըճը:
Սա առաջին անգամ էր, որ Հայաստանը պետութեան ղեկավարի մակարդակով կը մասնակցէր Թուրքիոյ նախագահի երդմնակալութեան արարողութեան: Մինչ այս միայն մէկ անգամ` 2014-ի Օգոստոս 28-ին արտաքին գործերու նախարար Էտուարտ Նալպանտեանը մասնակցած էր արարողութեան:
Թուրքիոյ նախագահական համալիրին մէջ վարչապետ Փաշինեանը դիմաւորած է Թուրքիոյ արտաքին գործերու նախարար Մեվլութ Չաւուշօղլուն:
Պետութեան ղեկավարներէն Անգարա կը գտնուէր նաեւ Ատրպէյճանի նախագահ Իլհամ Ալիեւը: Ռուսիան միջոցառման ընթացքին կը ներկայացնէր Պետական Տումայի խօսնակ Վեաչեսլաւ Վոլոտինը, իսկ Ուաշինկթընը ներկայացած էր Թուրքիոյ մէջ Միացեալ Նահանգներու դեսպանին մակարդակով:
