Հայաստանի ու Ատրպէյճանի միջեւ խաղաղութեան շուրջ քննարկումները պիտի շարունակուին Յունիս 1-ին Քիշնեւի մէջ Եւրոպական քաղաքական համայնքի շրջանակներուն մէջ նախատեսուող հանդիպման ժամանակ եւ անկէ յետոյ. հանդիպման օրակարգին մէջ նշեալ համաձայնագրի ստորագրում ներառուած չէ:
Այս մասին յայտնեց ՀՀ Արտաքին Գործերու Նախարարութեան մամուլի քարտուղար Անի Բադալեանը` ի պատասխան Ֆրանսայի մէջ Ատրպէյճանի դեսպան Լէյլա Ապտուլլաեւայի յայտարարութեան, համաձայն որուն՝ Ատրպէյճանի նախագահ Իլհամ Ալիեւը եւ Հայաստանի վարչապետ Նիկոլ Փաշինեանը կրնան խաղաղութեան համաձայնագիր ստորագրել Յունիս 1-ին` Մոլտովայի մէջ Եւրոպական քաղաքական համայնքի գագաթաժողովին ժամանակ:
«Հայաստանի եւ Ատրպէյճանի միջեւ յարաբերութիւնների կարգաւորման եւ մասնաւորապէս «Խաղաղութեան եւ միջպետական յարաբերութիւնների հաստատման մասին» համաձայնագրի շուրջ քննարկումները շարունակւում են: Ինչպէս բազմիցս նշել ենք, հայկական կողմը պատրաստ կը լինի համաձայնագրի ստորագրմանն այն պահին, երբ հասցէագրուած կը լինեն առանցքային խնդիրները: Կարծում ենք դրանց շուրջ քննարկումները կը շարունակուեն Յունիսի 1-ին Քիշնեւում Եւրոպական քաղաքական համայնքի շրջանակներում նախատեսուող հանդիպման ժամանակ եւ դրանից յետոյ: Քիշնեւի հանդիպման օրակարգում նշեալ համաձայնագրի ստորագրում ներառուած չէ», յայտնեցին ՀՀ Արտաքին Գործերու Նախարարութենէն:
