Հայաստանի նախագահ Վահագն Խաչատրեանը Քաթարի մէջ Հայաստանի Հանրապետութեան դեսպանատան մէջ հանդիպած է Քաթարի հայ համայնքի ներկայացուցիչներուն հետ:
Նախագահը մանրամասնութիւններ ներկայացուցած է Հայաստանի եւ տարածաշրջանին մէջ ընթացող շարք մը իրողութիւններու, Լեռնային Ղարաբաղի հիմնախնդիրի, Հայաստանի ներքին ու արտաքին մարտահրաւէրներուն վերաբերեալ:
Հայաստանի նախագահը պատասխանած է հայ համայնքի ներկայացուցիչները յուզուղ հարցերուն, կարեւորած է Հայաստանի եւ Սփիւռքի միջեւ կապերու ամրապնդման անհրաժեշտութիւնը, անդրադարձած է սփիւռքահայերուն կողմէ Հայաստանի մէջ առեւտուր եւ տնտեսական գործունէութիւն իրականացնելու հնարաւորութեան եւ այլ հարցերու: