Հայաստան այս տարուան առաջին եռամսեակին 451 հազար 850 զբօսաշրջիկ այցելած է, ինչ որ 81,2 տոկոսով աւելի է, քան նախորդ տարուան նոյն ժամանակահատուածին:
Այս մասին կը վկայեն ՀՀ Վիճակագրական Կոմիտէին հրապարակած տուեալները:
Յունուար-Մարտ ամիսներուն Հայաստան ամենաշատը այցելած են Ռուսիոյ քաղաքացիներ, ռուս զբօսաշրջիկներու թիւը կազմած է 237 հազար 40: Երկրորդ տեղն են տարբեր երկիրներէ Հայաստան այցելած Հայաստանի քաղաքացիները` 74 հազար 186: Զգալի է նաեւ Հայաստան այցելած Վրաստանի քաղաքացիներուն թիւը` 53 հազար 707, Իրանի քաղաքացիներուն թիւը` 25 հազար 458:
Այս տարուան առաջին երեք ամսուան ընթացքին Հայաստան այցելած է նաեւ Թուրքիոյ 2 հազար 712 քաղաքացի, ինչ որ 2,2 անգամ աւելի է, քան նախորդ տարուան նոյն ժամանակահատուածին արձանագրուած ցուցանիշը: