Ատրպէյճանական յատուկ ծառայութիւնները Ստեփանակերտ քաղաքի բնակիչները տարհանելու վերաբերեալ կեղծ փաստաթուղթեր կը տարածեն: Այս մասին հաղորդագրութիւն հրապարակած է Արցախի Հանրապետութեան Ազգային Անվտանգութեան Ծառայութիւնը:
«Արցախի Հանրապետութեան Ազգային Անվտանգութեան Ծառայութիւնը, հետամուտ լինելով տեղեկատուական անվտանգութեան ոլորտում օրէնսդրութեամբ իրեն վերապահուած գործառոյթների եւ լիազօրութիւնների իրականացմանը, իրազեկում է, որ ատրպէյճանական յատուկ ծառայութիւններն օգտագործելով Արցախի Հանրապետութեան քաղաքացիների ֆէյսպուքեան էջեր Ստեփանակերտ քաղաքի բնակիչներին տարհանելու վերաբերեալ կեղծ փաստաթղթեր են տարածում` նպատակ ունենալով խուճապ տարածել բնակչութեան շրջանում:
Կոչ ենք անում չտրուել կեղծ լուրերի եւ պահպանել հանգստութիւն: Արցախի Հանրապետութեան ԱԱԾ-ն լիովին վերահսկում է իրավիճակը հանրապետութեան տարածքում:
Կասկածելի բովանդակութեամբ տեղեկութիւններ ստանալու դէպքում դիմէք Արցախի ԱԱԾ պաշտօնական կայքէջին կամ զանգահարէք թէժ գծի հեռախօսահամարներին` 047-94-41-26 եւ 41-26», նշուած է հաղորդագրութեան մէջ:
