Հայաստանի Հանրապետութեան վարչապետ Նիկոլ Փաշինեան ընդունած է Հարաւային Կովկասի եւ Վրաստանի մէջ ճգնաժամի հարցերով ԵՄ յատուկ ներկայացուցիչ Թոյվօ Քլաարը:
Զրուցակիցները քննարկած են Հայաստանի եւ Ատրպէյճանի միջեւ յարաբերութիւններու կարգաւորման, Լեռնային Ղարաբաղի հիմնախնդիրին հետ կապուած վերջին զարգացումներուն, ինչպէս նաեւ` ԼՂ հայութեան իրաւունքներու եւ անվտանգութեան երաշխիքներու ապահովման վերաբերող հարցեր:
Միտքեր փոխանակուած են տարածաշրջանային անվտանգութեան, խաղաղութեան ու կայունութեան առնչուող խնդիրներու, Հայաստանի եւ Ատրպէյճանի միջեւ սահմանազատման, տարածաշրջանի փոխադրութեան ենթակառուցուածքներու ապաշրջափակման գործընթացին շուրջ:
Կողմերը կարեւորած են ԵՄ քաղաքացիական առաքելութեան տեղակայումը Հայաստանի մէջ եւ անդրադարձած են առաքելութեան գործունէութեան:
Վարչապետ Փաշինեան ընդգծած է Փրակի մէջ կայացած հանդիպման ձեւաչափին համաձայն հետագայ քննարկումներուն կարեւորութիւնը:
