Հայաստանի Հանրապետութեան նախագահ Վահագն Խաչատուրեան ընդունած է Սոցիալ Դեմոկրատ Հնչակեան Կուսակցութեան Կեդրոնական Վարչութեան անդամ Ալեքսան Քէօշկէրեանը: Հանդիպման ներկայ եղած են նաեւ ՍԴՀԿ Հայաստանի Վարչութեան ատենապետ Սեդրակ Աճեմեանը, վարչութեան անդամներ Վարազդատ Եղիազարեանը եւ Վարդան Վարդանեանը:
Հանդիպման ընթացքին անդրադարձ եղած է տարածաշրջանային եւ անվտանգային խնդիրներուն, Արցախի հիմնախնդիրին եւ երկրի ներքաղաքական իրավիճակին: