Home ԳԼԽԱՒՈՐ ԼՈՒՐԵՐ ՀՀ Նախագահը Ընդունած Է Տանն Կիլիկիոյ Կաթողիկէ Հայոց Կաթողիկոս-Պատրիարք Տէր Ռաֆայէլ Պետրոս Մինասեանը

ՀՀ Նախագահը Ընդունած Է Տանն Կիլիկիոյ Կաթողիկէ Հայոց Կաթողիկոս-Պատրիարք Տէր Ռաֆայէլ Պետրոս Մինասեանը

by MassisPost

Հայաստանի Հանրապետութեան նախագահ Վահագն Խաչատուրեանը ընդունած է Տանն Կիլիկիոյ Կաթողիկէ Հայոց կաթողիկոս-պատրիարք Ամենապատիւ եւ Գերերջանիկ Տէր Ռաֆայէլ Պետրոս Մինասեանը:

Շնորհակալութիւն յայտնելով ընդունելութեան համար, Տէր Ռաֆայէլ Պետրոս Մինասեանը շնորհաւորած է Վահագն Խաչատուրեանը նախագահի պաշտօնը ստանձնելու առիթով եւ մաղթած է արդիւնաւէտ աշխատանք:

Հանրապետութեան նախագահը բարձր գնահատած է Հայոց եկեղեցւոյ դերը` յատկապէս ազգի ինքնութեան պահպանման գործին մէջ:

«Ձեր գործը մեծ նշանակութիւն ունի մեր ժողովրդի համար: Այն պատմականօրէն միշտ մէկ նպատակ է հետապնդել` մեր տեսակը պահել, մեր ժողովրդին օգնել դժուարութիւններից դուրս գալ», ըսած է նախագահ Խաչատուրեանը:

Տանն Կիլիկիոյ Կաթողիկէ Հայոց կաթողիկոս-պատրիարքը համակարծիք ըլլալով նախագահին հետ` նշած է, որ միայն համատեղ ջանքերով եւ միմեանց օգնելով հնարաւոր եղած է յառաջ շարժիլ:

Հանդիպման ընթացքին անդրադարձ եղած է ազգային-եկեղեցական հարցերուն, ինչպէս նաեւ Սփիւռքի մէջ մեր եկեղեցւոյ դերին եւ նշանակութեան կարեւորութեան:

Հարակից Նյութեր

Leave a Comment