Յսռաջիկային բարդ քննարկումներ պիտի ըլլան Բարձրագոյն կրթութեան ու գիտութեան օրէնքին վերաբերեալ, կառավարութեան նիստին ըսաւ վարչապետ Նիկոլ Փաշինեան: «Մենք բարձրագոյն կրթութեան ոլորտում ըստ էութեան մասշտաբային բարեփոխումներ իրականացնելու քաղաքական որոշումը վաղուց ենք կայացրել, դրա իրականացման լոճիսթիքայի հարցը պէտք է որոշենք եւ գնանք յառաջ», ըսաւ ան:
Ըստ Փաշինեանի` գիտութեան ոլորտին մէջ համակարգը արդէն գործարկուած է, մինչեւ 2026 թուականի մեր ծրագիրը յստակ յայտնի է, թէ ինչ տեղի պիտի ունենայ: «Սա կարեւոր բաղադրիչ է մեր պետութեան հետագայ զարգացման առումով, մեր հետագայ զարգացման անկիւնաքարային գործընթացն է, որը պէտք է կազմակերպուած ու բարեյաջող իրականացնենք», ըսաւ ան:
Նիկոլ Փաշինեանը նաեւ յաւելեց, որ կրթութիւնը մեզի համար հարցերու հարցն է, այսօր լրջագոյն խնդիրներ կան ոլորտին մէջ: 2019 թուականի հետազօտութիւնները ցոյց կու տան, որ անգրագիտութիւնը սողացող ձեւով կը վերադառնայ մեր հանրութիւն: «Թւում է, թէ նախորդ դարի առաջին կէսին մենք այդ խնդիրը յաղթահարել ենք, բայց հիմա եկէք առերեսուենք այդ խնդիրի հետ: Անգրագիտութիւնը արտայայտւում է մեր կեանքի բոլոր ոլորտներում», յաւելեց ան: