Home ԳԼԽԱՒՈՐ ԼՈՒՐԵՐ Հայաստանի Քաղաքացին Որոշիչ Գործօն Է Հայաստանի Մէջ. Փաշինեան

Հայաստանի Քաղաքացին Որոշիչ Գործօն Է Հայաստանի Մէջ. Փաշինեան

by MassisPost

Ընտրութիւնները անցած են ժողովրդավարութեան չափանիշներուն համապատասխան, արձանգրած են միջազգային ու տեղական դիտորդները, ինչպէս նաեւ միջազգային գործընկերները։ Հայաստանը նոր չափանիշ սահմանած է, այսօր կառավարութեան նիստին յայտարարեց վարչապետի պատշօնակատար Նիկոլ Փաշինեան։

«2018 թուականին, երբ տեղի ունեցան արտահերթ խորհրդարանական ընտրութիւններ, եւ միջազգային հանրութիւնն աննախադէպ բարձր գնահատականների արժանացրեց այդ ընտրութիւնները, այն ժամանակ կար այսպիսի համաթեքսթ՝ ասում էին, որ ընտրութիւնների արդիւնքներն ակնյայտ էին նախապէս բոլորի համար, եւ գործող կառավարութիւնն, այսպէս ասած, ընտրութիւնների արդիւնքները կեղծելու անհրաժեշտութիւն չունէր», – ըսաւ Փաշինեան:

«2021 թուականի խորհրդարանական ընտրութիւնների հնարաւոր արդիւնքները կանխատեսելի չէին, եւ բոլորը գիտէին, որ Երրորդ Հանրապետութեան պատմութեան թերեւս ամենաանկանխատեսելի ընտրութիւններն են անցկացւում: Շատ կարեւոր է, որ մենք արձանագրեցինք մեր քաղաքական կամքը եւ քաղաքական արժեհամակարգը։ Ի հարկէ, յարուցուած են քրէական գործեր՝ ընտրակաշառքների, ընտրողների կամքի վրայ ապօրինի ազդեցութիւն գործելու այլ դրսեւորումների վերաբերեալ: Ես համոզուած եմ, որ դրանք պատշաճ քննութիւն կը ստանան։ Ուզում եմ հաւատալ, որ Հայաստանի Հանրապետութիւնում ընտրութիւնների արդիւնքների կեղծման էջն իսկապէս անշրջելիօրէն փակուած է»:

«Հայաստանի քաղաքացու համար այլեւս անառարկելի փաստ է, որ ինքը որոշիչ գործօն է Հայաստանում եւ ինքն է որոշում իշխանութեան ճակատագիրը», – կարծում է վարչապետի պաշտօնակատարը, որի ղեկավարած ուժը յաղթեց վերջին ընտրութիւններուն։ «Ուրախ եմ, որ մենք, այս բարդ ճգնաժամի միջով անցնելով, ի վերջոյ, եզրափակում ենք եւ ամփոփում ենք այս արձանագրմամբ»:

Հարակից Նյութեր

Leave a Comment