Ազգային անվտանգութեան ծառայութիւնը (ԱԱԾ) պաշտօնապէս կը տեղեկացնէ, որ Սիւնիքի մարզի տարածքին մէջ սկիզբ առած ու ընթացող մարտերու վերաբերեալ զանգուածային լրատուութեան միջոցներով եւ ընկերային ցանցերով տարածուող տեղեկութիւնները իրականութեան չեն համապատասխաներ:
ԱԱԾ-ն խստօրէն կը զգուշացնէ զերծ մնալ ապատեղեկատուութիւն տարածելու, ազգաբնակչութեան մէջ խուճապ առաջացնելու եւ անհարկ լարուածութիւններ հրահրելու գործելաոճէն ու կը տեղեկացնէ, որ նմանատիպ երեւոյթները պիտի ունենան համապատասխան իրաւական հետեւանքներ՝ ամենախիստ գործիքակազմերու կիրառմամբ:
Ազգային անվտանգութեան մարմինները կը յորդորեն ապաւինիլ բացառապէս պաշտօնական լրահոսին: