Home ՀԱՅԱՍՏԱՆ ԱՄՆ 1 Միլիոն Տոլար Կը Տրամադրէ ՀՀ-ին` COVID-19-ի Դէմ Պատուաստման Գործընթացին Աջակցելու Համար

ԱՄՆ 1 Միլիոն Տոլար Կը Տրամադրէ ՀՀ-ին` COVID-19-ի Դէմ Պատուաստման Գործընթացին Աջակցելու Համար

by MassisPost

Միացեալ Նահանգներու կառավարութիւնը, ԱՄՆ Միջազգային զարգացման գործակալութեան (ԱՄՆ ՄԶԳ) միջոցով, լրացուցիչ $1,000,000 կը տրամադրէ՝ խթանելու COVID-19 համավարակին արձագանգելու ՀՀ կառավարութեան ջանքերը։ Այս մասին յայտնեցին ԱՄՆ Միջազգային զարգացման գործակալութենէն:

Մինչեւ հիմա COVID-19-ի դէմ պայքարի համար ԱՄՆ ՄԶԳ տրամադրած ընդհանուր ֆինանսաւորումը Հայաստանին կը կազմէ աւելի քան 11 միլիոն տոլար։ Ան կը ներառէ արտակարգ իրավիճակի համար նախատեսուած ֆինանսաւորում՝ առողջապահական հրատապ կարիքները բաւարարելու, ինչպէս նաեւ ժողովրդավարական զարգացման եւ տնտեսական աճի վրայ համավարակի երկրորդային եւ երրորդային ազդեցութիւնները մեղմացնելու համար:

ԱՄՆ ՄԶԳ-ն այս ֆինանսական միջոցները կը յատկացնէ ԵՈՒՆԻՍԵՖ-ին` Հայաստանի մէջ COVID-19 պատուաստումներու օժանդակման եւ արդիւնաւէտ իրագործման համար՝ ըստ Պատուաստներու բաշխման եւ պատուաստումներու ազգային ծրագրին:

Հայաստանի Հանրապետութեան մօտ ԱՄՆ դեսպան՝ Լին Թրեյսին յայտարարած է. «Համաճարակի ողջ ընթացքին ԱՄՆ գործակցած է Հայաստանի հետ՝ COVID-19-ի դէմ պայքարին: Այս նոր օժանդակութեան միջոցով մենք կը շարունակենք աշխատիլ միասին`յաղթահարելու COVID-19-ը եւ նախապատրաստուելու հանրային առողջութեան հետագայ սպառնալիքներուն»:

Հարակից Նյութեր

Leave a Comment