«Այս պահի դրութեամբ հիմնականում հրադադարը պահպանւում է, չնայած նրան, որ առանձին տեղերում պրովոկացիաներ են իրականացուել, եւ դրանց տրուել է պատասխան»,- Շաբաթ օր երեկոյեան ըսաւ Պաշտպանութեան Նախարարութեան ներկայացուցիչ Արծրուն Յովհաննիսեանը:
«Հրադադարից յետոյ, ինչպէս արտգործնախարարների յայտարարութեան մէջ նշուած էր յստակ, Պաշտպանութեան Բանակի տեղամասերից մէկում թոյլ է տրուել, որպէսզի մօտենան եւ վերցնեն իրենց մի քանի դիակները, սակայն դրանից յետոյ գործընթացը դադարեցուել է, որովհետեւ նման դէպքերն օգտագործւում են պրովոկացիաներ անելու նպատակով: Դրա համար պաշտօնապէս յայտարարում ենք, որ յետայսու դա թոյլ է տրուելու միայն, ինչպէս յայտարարութիւնում նշուած է, Կարմիր Խաչի ներկայացուցիչների ներկայութեան պարագայում», – աւելցուց Յարութիւնեան:
Արծրուն Յովհաննիսեան նաեւ ներկայացուց, որ Սիւնիքի մարզէն ներս եւս որեւէ մարտական գործողութիւն չկայ:
ՊՆ ներկայացուցիչը յայտնեց, որ երէկուանէն մինչեւ այսօր կէսօրին հակառակորդը ունեցած է մօտ 200 զոհ, կորսնցուցած է 3 ԱԹՍ եւ այլ միջոցներ: