Օգոստոսին, Յուլիսին համեմատ աշխատատեղերը աւելցած են շուրջ 5 հազարով, աճած է նաեւ մէկ աշխատատեղին բաժին ինկած եկամուտը, կը յայտնէ Պետական եկամուտներու կոմիտէն (ՊԵԿ):
ՊԵԿ-ի տարածած հաղորդագրութեան համաձայն՝ Օգոստոսի տուեալներով` եկամուտ (հարկման յենակէտ) ապահոված աշխատատեղերու թուաքանակը կազմած է շուրջ 618 հազար, որ 2020 թուականի Յուլիսի համեմատ` աւելի է շուրջ 5 հազարով, իսկ 2019 թուականի Օգոստոս ամսուայ համեմատութեամբ` 13,4 հազարով:
Միաժամանակ, այս տարուայ Օգոստոսին` նախորդ տարուայ նոյն ժամանակահատուածին համեմատ աճած է նաեւ մէկ աշխատատեղին բաժին ինկած եկամուտը (հարկման յենակէտ)` կազմելով շուրջ 202 հազար դրամ` նախորդ տարուայ 188 հազար դրամի փոխարէն: