Սեպտեմբեր 10-ին, մեծ հրդեհ ծագած է Պէյրութի աւերակուած նաւահանգիստին մէջ: Ինչպէս կը հաղորդէ «Արեւելք» լրատուականը:
Կը նշուի, որ լիբանանեան բանակը քաղաքացիներէն պահանջած է հեռու մնալ Պէյրութի նաւահանգիստին կից եղող գլխաւոր մայրուղիէն:
Աւելի ուշ եւ Ըտ «Էլ.Պի.Սի. Այ.» կայանին, նաւահանգիստին մէջ ծայր առած մեծ հրդեհը սկսած է նահանջել եւ որ Արտակարգ Իրավիճակներու Նախարարութեան միաւորներ կարողացած են ինչ որ չափով «պաշարման» տակ առնել ծագած հրդեհը:
Հրդեհը տարածուած եղած է յատկապէս ինքնաշարժներու անիւ, ինչպէս նաեւ տնային օգտագործման համար նախատեսուած ձէթ պարունակող պահեստարաններուն մէջ։
Կրակին հետեւանքով մայրաքաղաքի երկինքը մթագնած է եւ հրդեհի վայրէն բարձրացող սեւ ծուխը հասած է հեռաւոր շրջաններ։
Կենսոլորտային հարցերով զբաղուողները քաղաքացիներուն խորհուրդ տուած են փակուիլ տուներուն մէջ ու փակել իրենց տուներու դռներն ու պատուհանները։
Յիշեցնենք, որ անցեալ Օգոստոս 4-ին Պէյրութը ցնցած էր մեծ պայթում մը, որ տեղի ունեցած էր նաւահանգիստին մէջ եւ պատճառ դարձած մեծագոյն վնասներու։
