Հայաստանն ու Ատրպէյճանը ներառուած են 10 երկիրներու կարգին, որոնք 2019-ին ռազմական ծախսերու համար յատկացուցած են ՀՆԱ-ի (Համախառն ներքին արդիւնք) 4 տոկոսը: Սթոքհոլմ գործող «Խաղաղութեան հարցերի ուսումնասիրութեան միջազգային ինսթիթիւթի» (SIPRI) հրապարակած տարեկան զեկոյցի համաձայն՝ 2019 թուականին, Հայաստան ռազմական ծախսերու համար ծախսած է ՀՆԱ-ի 4,9%-ը, իսկ Ատրպէյճանը՝ 4%-ը:
Ցուցակի առաջինն է Օմանը, որ այդ ծախսերուն համար ծախսած է ՀՆԱ-ի 8,8%-ը՝ աշխարհի ամենաբարձր ցուցանիշը, Սէուտական Արաբիան ՝ 8%-ը, Քուէյթը՝ 5,6%-ը, Իսրայէլը՝ 5,3%-ը, Յորդանանը՝ 4,7%-ը, Լիբանանը՝ 4,2%-ը, Ալճերիա՝ 6%-ը, Փաքիստանը՝ 4%-ը:
Անցեալ տարի ռազմական ծախսերու համար առաւելագոյն միջոցներ ծախսած երկիրներու հնգեակին մէջ են ԱՄՆ-ը, Չինաստանը, Հնդկաստանը, Ռուսաստանն ու Սէուտական Արաբիան:
