Վարչապետ Նիկոլ Փաշինեանի որոշմամբ Մովսէս Յակոբեանը ազատուած է գլխաւոր ռազմական տեսուչի պաշտօնէն:
Վարչապետի երկու այլ որոշումներով՝ Կամօ Քոչունցը ազատուած է գլխաւոր ռազմական տեսուչի առաջին տեղակալի, Վաչական Ներսէսեանը՝ գլխաւոր ռազմական տեսուչի տեղակալի պաշտօններէն:
Մովսէս Յակոբեանը գլխաւոր ռազմական տեսուչ նշանակուած էր անցած տարուան Մայիս 24-ին, մինչ այդ ան կը զբաղեցնէր Զինուած ուժերու գլխաւոր շտապի պետի պաշտօնը:
Մովսէս Յակոբեանի եւ անոր տեղակալներու պաշտօնանկութիւնը կապուած է Ռազմական գլխաւոր տեսչութեան մէջ կառուցուածքային փոփոխութիւններու հետ։
NEWS.am-ի հետ զրոյցի ժամանակ Պաշտպանութեան նախարարութեան մամուլի խօսնակ Արծրուն Յովհաննիսեանը ըսած է, որ ռազմական գլխաւոր տեսչութիւնը պիտի անուանափոխուի եւ պիտի տեղափոխուի Պաշտպանութեան նախարարութեան ենթակայութեան ներքոյ:
«Գործառոյթները մնալու են նոյնը, սակայն անուանափոխուելու է եւ տեղափոխուելու է ՊՆ ենթակայութեան ներքոյ»,-ըսած է ան։