Փարիզի հիւսիսը յարձակում կատարուած է Սամուէլ-Մուրատեան հայկական վարժարանի դէմ։ Այս մասին Ֆրանսայի մէջ Հայաստանի դեսպան Յասմիկ Տոլմաճեանը գրած է իր Թուիթըրի էջին։
Դեսպանը դատապարտած է վանտալիզմի գործողութիւնը։
«Մենք լրջօրէն անհանգստացած ենք կրկնուող վանտալիզմէն Սեւրի Սամուէլ-Մուրատեան հայկական վարժարանի դէմ։ Այդ գործողութիւնները պէտք չէ անպատիժ մնան»,- գրած է ան:
Նշենք, որ առաջին յարձակումը վարժարանի վրայ տեղի ունեցած էր 2019-ի Յունուարին։
Յիշեցնենք, որ Հոկտեմբեր 20-ին Ֆրանսայի մէջ Հայաստանի դեսպանութիւնը տեղեկացուցած էր այդ երկրին մէջ հրատարակուող ֆրանսալեզու Nouvelles d’Arménie (Հայաստանի նորութիւններ) ամսագրի գրասենեակի վրայ յարձակման մասին։
Պարբերականի տուեալներով՝ յարձակումը կատարուած է Կիրակի գիշեր։ Նշուած է, որ կոտրուած է խմբագրութեան դուռը, գողացած են տեսախցիկն ու երեք համակարգիչ, ուր կը պահուէին գաղտնի տեղեկութիւններ։
