Այս Մարտին նախորդ Մարտի համեմատ ուղեւորահոսքը աճած է 7 տոկոսով։ Այդ մասին կը տեղեկացնէ «Զուարթնոց» միջազգային օդակայանի ֆէյսպուքեան էջը։
Ըստ «Զուարթնոց»-ի, ընթացիկ տարուան Մարտին Հայաստանի երկու օդակայաններուն մէջ ուղեւորահոսքը ընդհանուր կազմած է 199 855 մարդ՝ 2018 թուականի նոյն ամսուան ցուցանիշը գերազանցելով 7 տոկոսով:
«2019թ. Մարտին, 2018թ. նոյն ժամանակահատուածի համեմատ «Զուարթնոցում» ուղեւորահոսքն աւելացել է 7,6 տոկոսով: Եթէ 2018թ. Մարտին «Զուարթնոց» միջազգային օդանաւակայանի ծառայութիւններից օգտուել է 175 605 ուղեւոր, ապա 2019թ. Մարտի ցուցանիշը կազմում է 188 946 ուղեւոր», – ըսուած է հաղորդագրութեան մէջ:
«Զուարթնոց»-ը նաեւ կը տեղեկացնէ, որ 2019 թուականի Մարտին Գիւմրիի «Շիրակ» օդակայանին մէջ ուղեւորահոսքը կազմած է 10 909 մարդ: 2018 թուականի նոյն ամսուան 11 138 ուղեւորահոսքի համեմատ նուազումը կազմած է 2,1 տոկոս:
Տարեսկիզբէն Հայաստանի Հանրապետութեան երկու օդակայաններու ուղեւորահոսքը կազմած է 578 575 մարդ, որ 10,2 տոկոսով կը գերազանցէ նախորդ տարուան նոյն ամիսներու ցուցանիշը:
«Զուարթնոց» եւ «Շիրակ» օդակայաններուն մէջ 2019 թուականի Յունուար- Մարտ ամիսներուն, նախորդ տարուան նոյն ամիսներուն հետ համեմատած, 8,3 տոկոսով աճ գրանցած են նաեւ թռիչք-վայրէջքները, ըսուած է հաղորդագրութեան մէջ:
