Եուրի Խաչատուրովե հեռացուած է Հաւաքական անվտանգութեան պայմանագիրի կազմակերպութեան (ՀԱՊԿ) գլխաւոր քարտուղարի պաշտօնէն:
«Համաձայն սահմանուած կարգի` Հաւաքական անվտանգութեան պայմանագիրի կազմակերպութեան գլխաւոր քարտուղարի պաշտօնէն Հայաստանի Հանրապետութեան ներկայացուցիչ Եուրի Գրիգորի Խաչատուրովի վաղաժամկէտ յետկանչի ընթացակարգը աւարտած է: ՀԱՊԿ Հաւաքական անվտանգութեան խորհուրդի որոշմամբ Եուգ Գգ Խաչատուրովը ազատուած է Կազմակերպութեան Գլխաւոր քարտուղարի պաշտօնէն», – ըսուած է ՀԱՊԿ պաշտօնական կայքէջին մէջ հրապարակուած հաղորդագրութեան մէջ:
Կազմակերպութեան գլխաւոր քարտուղարի պարտականութիւններու կատարումը յանձնարարուած է գլխաւոր քարտուղարի տեղակալ Վալերի Սեմերիքովին, կը փոխանցէ ՀԱՊԿ կայքէջը:
Եուրի Խաչատուրովին Հայաստանի մէջ սահմանադրական կարգը տապալելու մեղադրանք առաջադրուած է «Մարտի 1»-ի գործով, ան դատարանի որոշմամբ 5 միլիոն դրամ գրաւի դիմաց ազատ արձակուած է եւ օգոստոսի սկիզբէն Մոսկուայի մէջ կը շարունակէր կատարել ՀԱՊԿ գլխաւոր քարտուղարի պարտականութիւնները:
Մեղադրանքի առաջադրումէն ետք Հայաստանը ՀԱՊԿ գործընկեր պետութիւններուն առաջարկած էր սկսիլ գլխաւոր քարտուղարի փոխարինման գործընթաց:
Եուրի Խաչատուրովը ՀԱՊԿ գխաւոր քարտուղարի պաշտօնը կը զբաղցնէր 14 ապրիլ 2017-էն:
