Հայաստանի նախագահ Արմէն Սարգսեանն ու Ֆրանսայի նախագահ Էմանուէլ Մաքրոնը այցելած են Երեւանի կեդրոնը գտնուող ֆրանսահայ աշխարհահռչակ շանսոնիէ Շարլ Ազնաւուրի կեցավայր։
«Ազնաւուր» կեդրոնին մէջ ճարտարապետ Արիս Ադամեանը՝ ներկայացնելով շէնքի վերակառուցման նախագիծը, ըսած է, որ այնտեղ պիտի գործէ փոխգործօն (ինթըրաքթիւ) թանգարան՝ նուիրուած Ազնաւուրի կեանքին եւ անոր անցած ճանապարհին, ինչպէս նաեւ կրթամշակութային կեդրոն, ուր պիտի դասաւանդուին շարժանկար, երաժշտութիւն եւ ֆրանսերէն։
Շէնքին մէջ շրջայցէն ետք, երկու երկիրներու նախագահները հանդէս եկած են ելոյթներով։
