Մեծ Եղեռնի 103րդ տարեդարձին առիթով Փասատինայի մէջ եւս տեղի ունեցաւ պատշաճ յուշահանդէս Ապրիլ 22ին, տեղւոյն Յիշատակութեան զբօսայգիին (Memorial Park) մէջ:
«Կայծ» Երիտասարդաց Միութեան եւ Հայ Ամերիկեան Խորհուրդին (ՀԱԽ) կողէ կազմակերպուած սոյն միջոցառումին ներկայ էն քաղաքի տարբեր կազմակերպութեանց ներկայացուչիներ եւ լրագրողներ:
Ամերիկայի եւ Հայաստանի զոյգ քայլերգներու յոտնկայս ունկնդրութենէն ետք, գործադրուեցաւ օրուան պատշաճ յայտագիր մը: Կազմակերպիչ մարմնի անունով ելոյթ ունեցաւ Հայ Ամերիկեան Խորհուրդի պատասխանատուներէն իրաւաբան Գրիգոր Մոլոյեան£: Ան հպանցիկ ակնարկով մը յիշեց աշխարհի տարբեր ցամաքամասերու վրայ տեղի ունեցած տարբեր ժամանակներու ցեղասպանութիւնները: Առանձնապէս ծանրացաւ 103 տարիներ առաջ տեղի ունեցած 20րդ դարու առանջին ցեղասպանութեան վրայ, որուն զոհերը դաձան մէկ ու կէս միլիոն հայեր: Գ. Մոլոյեան բուռն կերպով դատապարտեց Թուրքիոյ մէջ տիրող հակաժողովրդավար իշխանութիւնները« որով տասնեակ հազարաւոր անմեղ քաղաքացիներ, լրագրողներ եւ մտաւորականներ բանտերու մէջ կը տառապին, որպէս նոր զոհերը տիրող իշխանութեան:
«Կայծ» Երիտասարդաց Միութեան անունով Ալիսըն Ղաֆարի իսկ Հայ Ամերիկեան Խորհուրդին կողմէ Քրիստին Աղախանեան իրենց ելոյթներով շեշտեցին նորահաս սերունդի վիճակուած առողջ կեցուածքը եւ պահանջատէր հայ ժողովուրդի արդար պայքարին զօրակցիլը:
Գործադրուեցաւ գեղարուեստալկան ճոխ յայտագիր մը: Ասմունքով հանդէս եկան Գարինա Գոռնէհօ եւ Անժելա Փաչանեան: Հայկական երաժշտական գործիքներու կատարմամբ ելոյթ ունեցան Լիլիթ Խօճայեան (քանոն) եւ Արմէն Ստեփանեան (տուտուկ) Ազգային երգերու մեկնաբանութիւնենրը կատարեցին Յարութ Յակոբեան եւ Արթուր Ակոբեան (mister x): Իսկ ազգագրական տոհմիկ պարերու կատարմամբ ելոյթ ունեցաւ Նոր Սերունդ Մշակութային Միութեան պարախումբը (գեղարուեստական ղեկավար Վարդուհի Մինասեան): Բոլոր կատարումերն ալ մեծ ոգեւորութիւն եւ տպաւորութիւն ձգեցին հանդիսականներուն մօտ:
Աւարտին ներկաները մէկական մեխակներ ձեռքերնին, ուղղուեցան դէպի մօտակայ նահատակաց յուշարձանը եւ զետեղեցին պատուանդանին վրայ, ի յարգանս մեր սրբադաստուած բիւրաւոր նահատակներուն:
