Home ՀԱՅԱՍՏԱՆ Հայաստանի Ֆութպոլի Ազգային Հաւաքականի Գլխաւոր Մարզիչ Արթուր Պետրոսեանը Հրաժարական Ներկայացուցած է

Հայաստանի Ֆութպոլի Ազգային Հաւաքականի Գլխաւոր Մարզիչ Արթուր Պետրոսեանը Հրաժարական Ներկայացուցած է

by MassisPost

Հայաստանի Ֆութպոլի ֆեդերացիայի կայքէջը հաղորդած է, թէ Հայաստանի Ֆութպոլի ազգային հաւաքականի գլխաւոր մարզիչ Արթուր Պետրոսեանը հրաժարական ներկայացուցած է։ «6 Ապրիլին ՀՖՖ շտապ-բնակարանի մէջ կայացաւ ՀՖՖ նախագահ Ռուբէն Հայրապետեանի եւ Հայաստանի ազգային հաւաքականի գլխաւոր մարզիչ Արթուր Պետրոսեանի հանդիպումը, որու ընթացքին քննարկուած են Հայաստանի ազգային հաւաքականի մրցելոյթները:
Քննարկման որպէս արդիւնք Արթուր Պետրոսեանը ներկայացուցած է իր դիրքորոշումը եւ հիմնաւորումները ստեղծուած իրավիճակի վերաբերեալ: Նշուած է, որ Ազգերու Լիկայի մրցաշարին նախապատրաստուելու համար քիչ ժամանակ մնացած է, իսկ ազգային հաւաքականին պէտք են փոփոխութիւններ. Արթուր Պետրոսեանը հրաժարական ներկայացուցած է, որ ընդունուած է Ռուբէն Հայրապետեանի կողմէն»,- մասնաւորապէս, նշուած է հաղորդագրութեան մէջ:

Արթուր Պետրոսեանը Հայաստանի ազգային հաւաքականի գլխաւոր մարզիչ նշանակուած էր 2016 թուականի Հոկտեմբերին: Վերջին շրջանին Հայաստանի հաւաքականը շատ անյաջող էր, Պետրոսեանի ղեկավարման օրով հաւաքականը կորսնցուց նաեւ ֆութպոլի աշխարհի առաջնութեան մասնակցելու հնարաւորութիւնը։

Հայաստանի Ֆութպոլի ազգային հաւաքականի նոր մարզիչի ամենահաւանական թեկնածուն, ըստ մամուլի տեղեկութիւններու, Վարդան Մինասեանն է, որ Հայաստանի ընտրանին մարզած է 2009-2013 թուականներուն:

Հարակից Նյութեր

Leave a Comment