Բրիտանացի լրագրող, Քարնեգի հիմնադրամի վերլուծաբան Թոմաս տէ Վաալը իր յօդուածին մէջ գրած է, որ Հայաստանը իշխանափոխութեան փուլ կը մտնէ եւ այս որոշակի իմաստով փորձ է:
Վերլուծաբանը նշած է, որ գործող նախագահ Սերժ Սարգսեանը անցեալին կը հերքէր, թէ ինք կ’ուզէ ստանձնել վարչապետի պաշտօնը, սակայն ամէն ինչ ցոյց կու տայ, որ ինք վարչապետ կը դառնայ:
«Սարգսեանը 2008էն իշխանութեան գլուխ անցած է, եւ դժբախտաբար, երկիրը չի կրնար ողջ ընթացքին նոր առաջնորդ ընտրել:
Այնուամենայնիւ, նոր դասաւորուածութիւնը եւ լիազօրութիւններու բաժանումը աւելի լաւ կը գործեն Հայաստանի համար, քան նախկինները: Անցեալ ամիս Հայաստան այցելելով, ես տեսայ, որ տրամադրութիւնները աւելի դրական են, քան ես կ’ակնկալէի», – գրած է ան:
Տէ Վաալը Սարգսեանը կ’անուանէ «խորաթափանց քաղաքական գործիչ, որ երկար խաղ կը խաղայ»:
«Չնայած, որ Ռուսիան կը շարունակէ մնալ հիմնական գործընկերը, Հայաստանը պահպանած է Պրիւսելի հետ իր գործարքի բազմաթիւ քաղաքական երեւոյթներ եւ անցեալ տարի ԵՄ-ի հետ համապարփակ եւ ընդլայնուած գործընկերութեան մասին նոր համաձայնագիր ստորագրած է: Այն կը խոստանայ ԵՄ-ի աջակցութիւնը աւելի լաւ ներդրումային միջավայր ստեղծելու, քաղաքացիական հասարակութեան աջակցելու եւ շրջակայ միջավայրի պահպանութիւնը ուժեղացնելու գործին մէջ»,- կ’եզրակացնէ վերլուծաբանը:
վերլուծաբանը գրած է. «Սերժ Սարգսեանը ստեղծած է գլուխկոտրուկի հատուածներ, որոնք կրնան Հայաստանը առաջ տանիլ: Բայց առանցքային հարց է՝ կը տանի՞ն արդեօք»:
«Եթէ այս դրական շրջադարձը հաստատուի, վարչապետ Սարգսեանը, իրօք, կը ցանկանայ աւելի լաւ գործող եւ բաց Հայաստան տեսնել, մենք պէտք է ուշադիր հետեւինք, թէ որոնք պիտի նշանակուին կառավարութեան առանցքային պաշտօններուն: Սարգսեանը կը մտածէ ելքի ռազմավարութեան մասին կամ պարզապէս ուրախ է անոր համար, ի՞նչ կայ»,- եզրափակած է ան: