Յարութ Սէնէքէրիմեանի դաշնամուրի ելոյթը (piano concert) տեղի պիտի ունենայ Կիրակի, 20 Նոյեմբեր 2016-ին, կէսօրէ ետք ժամը 4:00-ին, Կլէնտէյլի Երիցական (Presbyterian) եկեղեցւոյ մէջ։ Եկեղեցւոյ հասցէն է, 125 S. Louise Street, Glendale, California 91205:
Յարութ դաշնամուր նուագել սկսած է չորս տարեկանին, հօրը քաջալերանքով։ Իր առաջին ուսուցիչը եղած է յայտնի դաշնակահար Վաչէ Մանկրեանը, իսկ ինը տարեկանին՝ սկսած է յաճախել հռչակաւոր Լոս Անճելըսի Colburn School of Performing Arts-ը։
Երկրորդական վարժարանը աւարտելէ ետք, Յարութ ընդունուած է Օհայոյի Oberlin Conservatory of Music-ի կողմէ եւ շարունակած իր ուսումը, մասնագիտանալով դաշնամուրի մէջ։ Հուսկ ապա, Յարութ սկսած է յաճախել Նիւ Եորքի Manhattan School of Music-ը, ստանալու համար Մաքիստրոս Արուեստից Տիտղոս։
Յարութ մասնակցած է շատ մը դաշնամուրի մրցոյթներու՝ Նիւ Եորքի, Սան Ֆրանսիսքոյի եւ Թէքսասի մէջ։ Ան՝ անհատական եւ խմբային ելոյթներով հանդէս եկած է Լոս Անճելըսի, Նիւ Եորքի եւ Օհայոյի բեմերուն վրայ։ Իսկ 2015-ի Յունիս ամսուն, ան բախտաւորութիւնը ունեցած է երթալ Երեւան եւ երկու անգամ ելոյթ ունենալ Արամ Խաչատուրեանի Տուն Թանգարանի սրահին մէջ։
Նոյեմբեր 20-ելոյթի տոմսերու գիներն են 50 եւ 25 տոլար, իսկ տոմսերը կը ծախուին Ապրիլ Գրատուն, համացանցի վրայ ItsMtSeat.com/Harout եւ կամ հեռաձայնելով (818) 794-0703 թիւին։
Պէտք է քաջալերենք այս երիտասարդ հայ տաղանդաւոր դաշնակահար Յարութը։
