Կիրակի, Մայիս 15-ին Փասատինայի Հնչակեան կեդրոնին մէջ, տեղի ունեցաւ Ս.Դ.Հ.Կ. Արեւմտեան Ամերիկայի շրջանի 14-րդ պատգամաւորական ժողովը, մասնակցութեամբ շրջանի մասնաճիւղերը ներկայացնող պատգամաւորներուն: Սոյն ժողովին ներկայ էին նաեւ Ս.Դ.Հ.Կ. Կեդրոնական Վարչութեան ատենապետ ընկ. Սեդրակ Աճէմեան, Կեդրոնական Վարչութեան անդամ ընկերներ` Վազգէն Գալթագճեան, Տօքթ. Համբիկ Սարաֆեան եւ կուսակցական այլ հիւրեր:

Կուսակցութեան քայլերգի ունկնդրութենէն ետք, Պատգամաւորական Ժողովը անցաւ իր օրակարգին: Ժողովականները իրենց աշխոյժ մասնակցութիւնը բերին օրակարգի մէջ նշուած հարցերու քննարկման, որոնք առաւելաբար կը վերաբերէին ներքին կազմակերպչական հարցերուն, ազգային-քաղաքական գործունէութեան արժեւորումին, ինչպէս նաեւ կուսակցութեանս հովանաւորութեան ներքեւ գործող տարբեր կառոյցներու աշխուժացումին եւ համագաղութային այլ խնդիրներուն:

Առաջադրուած բոլոր հարցերը քննարկուեցան կառուցողական ու համերաշխ մթնոլորտի մէջ եւ առնուեցան համապատասխան որոշումներ` մշակելով յառաջիկայ շրջանի համար գործունէութեան նոր ծրագիրներ:

Պատգամաւորական ժողովի աւարտին տեղի ունեցաւ նոր Վարիչ Մարմնի ընտրութիւն, հետեւեալ կազմով` Լենա Մանուկեան, Գաբրիէլ Մոլոյեան, Թովմաս Եթերեան, Կէրի Սինանեան, Միհրան Խաչատուրեան, Սուրէն Խուտանեան, Վահէ Աջապահեան, Վազգէն Խոտանեան եւ Վարդան Քէօրողլեան: Ժողովը աւարտեցաւ ՙՏուր Ձեռքդ Ընկեր՚ կուսակցական մաղթերգով:

Նորընտիր Վարիչ Մարմինը, իր անդրանիկ նիստին, որուն ներկայ էր Պատգամաւորական ժողովի դիւանը, միաձայնութեամբ Վարիչ Մարմնի ատենապետ ընտրեց ընկ. Վազգէն Խոտանեանը:

Leave a Reply

Your email address will not be published. Required fields are marked *

Sign Up for Our Newsletters

Get notified of the latest updates from MassisPost.

You May Also Like

Two Armenian Soldiers Killed on Karabakh Front-Lines

STEPANAKERT — Two military servicemen of the Nagorno-Karabakh Republic (NKR) Defense Army…

Armenian, Azerbaijani Foreign Ministers Discuss Peace Treaty and Karabakh Conflict at Geneva Meeting

GENEVA — The foreign ministers of Armenia and Azerbaijan met late on…

Rep. David Cicilline Calls on Visiting Turkish PM to Recognize and Apologies for Armenian Genocide

Reps. Schiff and Grimm Introduce Bipartisan Resolution to Recognize the Genocide WASHINGTON,…

Armenia Wins World Chess Team Title

NINGBO, CHINA — Armenia won the 2011 World Chess Team Championship in…