Նախապէս առնուած ժամադրութեան մը համաձայն, Շաբաթ 20 Նոյեմբեր, 2010, կէսօրէ առաջ ժամը 10:30ին, Արեւմտեան Ամերիկայի Ս. Դ. Հնչակեան կուսակցութիւնը ներկայացնող պատուիրակութիւն մըª Կլենտէյլի Հիլթոն պանդոկին մէջ հանդիպում մը ունեցաւ Լեռնային Ղարաբաղի Հանրապետութեան նախագահ Բակօ Սահակեանի հետ, որ այս օրերուն քաղաքս կը գտնուի Հայաստան Համահայկական Հիմնադրամի թելեթոնին առիթով: Սոյն հանդիպման ներկայ էր նաեւ Ղարաբաղի առաջնորդ Գերշ. Տ. Պարգեւ Արք. Մարտիրոսեան: Հնչակեան կուսակցութեան պատուիրակութեան մաս կը կազմէին Վազգէն Խոտանեան (ատենապետ), Տօքթ. Արշակ Գազանճեան (՚Մասիսՙի գլխաւոր խմբագիր), Գաբրիէլ Մոլոյեան (նախկին ատենապետ) եւ Միհրան Խաչատուրեան (Վարիչ Մարմնի անդամ):
Վսեմաշուք նախագահը ողջունելէ ետք ներկաները հակիրճ զեկոյց մը տուաւ Լեռնային Ղարաբաղի մէջ անցնող մէկ տարուան ընթացքին տարբեր բնագաւառներու մէջ արձանագրուած յաջողութիւններուն, ինչպէս նաեւ երկրի յառաջընթացը խոչընդոտող էական հարցերուն մասին: Այնուհետեւ տեղի ունեցաւ սրտաբաց զրոյց, որու ընթացքին խորհրդակցութեանց նիւթ դարձան սահմանամերձ գիւղերու ջրամատակարարումը, Հայաստանի եւ այլ երկիրներու կողմէ Արցախի Հանրապետութեան ճանաչումը, արտագաղթը, Հայաստան-Արցախ փոխ-յարաբերութիւնները, պաշտպանական բանակի իրավիճակը, Արցախի հիմնահարցի լուծման զարգացումներն ու երկիրը յուզող այլ կենսական հարցեր:
Շուրջ մէկ ժամ տեւող վերոյիշեալ հանդիպումն անցաւ փոխադարձ հասկացողութեան, անկեղծ եւ շինիչ մթնոլորտի ներքեւ: Հրաժեշտ առնելէ առաջ Ս. Դ.Հ.Կ.ի ներկայացուցիչները իրենց ջերմ բարեմաղթութիւնները փոխանցեցին Ղարաբաղի նախագահ Բակօ Սահակեանին եւ հոգեւոր առաջնորդ Գերշ. Պարգեւ Սրբազանին:

Leave a Reply

Your email address will not be published. Required fields are marked *

Sign Up for Our Newsletters

Get notified of the latest updates from MassisPost.

You May Also Like

S.D. Hunchakian Party Western U.S. Region 14th Representative Assembly

On Sunday, May 15, 2011, the 14th Representative Assembly of the Social…

Orhan Pamuk Convicted of Insulting Turkishness

ISTANBUL — Turkish Nobel Prize-winning author Orhan Pamuk has been convicted of…

New Professional Development Program for Teachers at Armenian Schools in Lebanon

LISBON — The Armenian Communities Department of the Calouste Gulbenkian Foundation and…

Armenian Studies Program at Fresno State to Hold 28th Annual Banquet

FRESANO — The Armenian Studies Program of California State University, Fresno, will…