Սոցիալ Դեմոկրատ Հնչակյան կուսակցության Վանաձորի «Արչիլ Գորկի» մշակութային միության նախաձեռնությամբ տեղի ունեցավ արշավ-ուխտագնացություն դեպի Լոռվա անտառներ: Արշավ ուխտագնացությունը նվիրված էր ՍԴՀԿ անդամ, հանրահայտ գեղանկարիչ Խաչիկ Ղարաբեկյանի հիշատակին: «Ղարաբեկյան» արշավախումբը, որ հիմնականում կազմված էր «Արչիլ Գորկի» միության երիտասարդ ստեղծագործողներից, ինչպես նաև Երևանից ժամանած «Սարգիս Տխրունի» միության ներկայացուցիչներից, այցելեց Լոռվա հրաշակերտ բնության այն վայրերը, որոնք իր վրձինով անմահացրել էր երջանկահիշատակ Խաչիկ Ղարաբեկյանը:
ՍԴՀԿ «Սարգիս Տխրունի» միության մամլո դիվան
