«Հայաստան պէտք է հրաժարի սպառազինութեան քաղաքականութենէն, անոր պէտք է վերջ տալ: Այս մասին ես բազմիցս խօսած եմ։ Եւ անոնք գիտեն, որ պէտք է անսան իմ խօսքերուն։ Անոնք պէտք է հրաժարին անկէ, քանի դեռ ուշ չէ: Անոնք երբեք չեն կրնար մրցիլ մեզի հետ»։
Ինչպէս կը յայտնէ «Report»-ը, այս մասին Յաղթանակի օրուան առիթով ժողովուրդին ուղղուած ուղերձին մէջ ըսած է Ատրպէյճանի նախագահ Իլհամ Ալիեւ։
«Մենք չենք ուզեր պատերազմ, մենք հասած ենք մեր ուզածին, ապահոված ենք մեր տարածքային ամբողջականութիւնը եւ պետական ինքնիշխանութիւնը: Տարածքային ամբողջականութիւն ամբողջ սահմանի երկայնքով, ներքին տեղահանուածներն ու փախստականները կը վերադառնան իրենց նախնիներուն հողերը: Այժմ մենք զբաղած ենք ստեղծագործական աշխատանքով: Մեզի համար սա գլխաւոր խնդիրն է»,- յաւելած է Ատրպէյճանի նախագահը։
