S&P Global Ratings միջազգային վարկանիշային կազմակերպութիւնը Օգոստոս 23-ին հրապարակած է Հայաստանի ինքնիշխան վարկանիշը, որ մնացած է անփոփոխ «BB-/B» մակարդակին վրայ: Այս մասին յայտնած է Կեդրոնական դրամատունը։
Պահպանուած է նաեւ վարկանիշի «կայուն» հեռանկարի գնահատականը:
Հայաստանի վարկանիշը սահմանափակուած է հետեւեալ գործօններով՝ երկրի տկար, սակայն աստիճանաբար բարելաւուող, հաստատութենական շրջանակը, մէկ շունչին հասնող եկամուտներու չափաւոր մակարդակը, վճարային հաշուեկշիռի եւ հարկապիւտճէական խոցելիութիւնը, ինչպէս նաեւ աշխարհաքաղաքական վտանգներու առկայութիւնը:
Գնահատականներուն համար դրական ազդեցութիւն ունին Հայաստանի տնտեսական աճի ուժեղ հեռանկարը, պետական պարտքի չափաւոր մակարդակը, արտաքին պաշտօնական ֆինանսաւորման հասանելիութիւնը եւ խելամիտ քաղաքականութեան շրջանակը, որ պահպանած է տնտեսական եւ ֆինանսական կայունութիւնը բազմաթիւ արտաքին ցնցումներու պարագային:
