ԵԱՀԿ նախագահ Եան Պորկը ադրբեջանական ԱՊԱ գործակալութեան հետ զրոյցին ընթացքին ըսած է, որ սահմանազատման հարցով յառաջընթաց կայ, ինչ որ կը նշանակէ քայլեր Հայաստանի եւ Ատրպէյճանի միջեւ հնարաւոր խաղաղութեան համաձայնագրի ուղղութեամբ:
«Քաղաքական եւ անվտանգութեան իրավիճակը կայուն է կը թուի եւ երբեմն խոցելիութեան աստիճանը շատ յարաշարժ է, ուստի մենք պիտի շարունակենք ուշադիր հետեւիլ անոր։ Ըսելով այդ, եւ, չնայած զգալի մարտահրաւէրներուն, ես կը մնամ զգուշաւոր լաւատես: Այնուամենայնիւ, կայուն, երկարաժամկէտ կարգաւորումը դեռեւս կը պահանջէ լուրջ փոխզիջումներ եւ բաւարար քաղաքական կամք երկու կողմերէն՝ հասկնալով, որ հասարակութեան մէջ անհրաժեշտ են համարձակ քայլեր եւ գործնապաշտութիւն»,- ընդգծած է ան:
Վերջինս նկատած է, որ տեւական խաղաղութեան հասնելու համար անհրաժեշտ է մշտական երկխօսութիւն. «Ակնյայտ է նաեւ, որ կայուն կարգաւորումը աւելի պիտի ամրապնդուի միջազգային հանրութեան աշխոյժ, փոխլրացնող աջակցութեամբ եւ մասնակցութեամբ: Օգտագործելով ԵԱՀԿ համապարփակ գործիքները եւ երկար տարիներու փորձը՝ մենք պատրաստ ենք օգնութիւն ցուցաբերելու եւ լրացնելու խաղաղութեան, անվտանգութեան եւ կայունութեան ապահովման ուղղուած ատրպէյճանցիներու եւ հայերու ջանքերը»:
