Թայլանտի Փհուքեթ քաղաքին մէջ Ծանրամարտի աշխարհի ախոյեանութեան խաղարկութեան, որ վարկանիշային է Փարիզի ողիմպիական խաղերուն համար, Վարազդատ Լալայեանը, գլխավեր պահելով 210 քկ, դարձաւ ոսկէ մետալակիր։
Իսկ Սիմոն Մարտիրոսեանը իր երեք մօտեցումներէն իրացուց միայն մէկը ու 195 քկ արդիւնքով զբաղեցուց 5-րդ տեղը։
Հայաստանի մէկ այլ ներկայացուցիչ՝ Ծանրամարտի Եւրոպայի ախոյեան Գարիկ Կարապետեանը երկամարտի 401 կգ (185+216) արդիւնքով արծաթէ մետալ նուաճած է 102 կգ ծանրութեան պայքարին:
Թայիլանտի մէջ կատարուող աշխարհի գաւաթի խաղարկութիւնը հայ ծանրորդներու վերջին վարկանիշային մրցաշարն է Փարիզի Ողիմպիական խաղերէն առաջ:
Աշխարհի գաւաթով հայ ծանրորդները կը լրացնեն ողիմպիական վարկանիշների համար 6 պարտադիր մրցաշարերը, որոնց պէտք է մասնակցէին համապատասխան ողիմպիական վարկանիշային կէտեր վաստակելու համար:
Հայաստանը Փարիզի Ողիմպիական խաղերուն կը մասնակցի 3 ծանրորդով, որոնց անունները դեռ յայտնի չեն:
Կանանց մրցաշարին Հայաստանը ներկայացուցիչ չունի:
