ՀՀ վարչապետ Նիկոլ Փաշինեան մասնակցած է Միւնիխի անվտանգութեան համաժողովի բացման արարողութեան:
Միւնիխի անվտանգութեան համաժողովին կը մասնակցին քանի մը տասնեակ երկիրներու նախագահներ, կառավարութիւններու ղեկավարներ ու արտաքին գործերու նախարարներ, ինչպէս նաեւ ՄԱԿ գլխաւոր քարտուղար Անթոնիօ Կութերեշը, ՆԱԹՕ-ի գլխաւոր քարտուղար Ենս Սթոլթենպերկը, ԵԱՀԿ գլխաւոր քարտուղար Հելկա Շմիտթը եւ այլք:
Համաժողովի շրջանակին մէջ նախատեսուած են վարչապետ Փաշինեանի շարք մը երկկողմ հանդիպումներ:
ՀՀ վարչապետ Նիկոլ Փաշինեան աշխատանքային այցով մեկնած էր Միւնիխ: Մեկնած են նաեւ պաշտպանութեան նախարար Սուրէն Պապիկեանն ու արտաքին գործերու նախարար Արարատ Միրզոյեանը:
Վարչապետին կ’ուղեկցին նաեւ Աննա Յակոբեանն ու դուստրերը:
