Home ՀԱՅԱՍՏԱՆ Սահմանադրական Բարեփոխումներու Խորհուրդը Որոշած Է Պահպանել Պետութեան Կառավարման Ձեւաչափը

Սահմանադրական Բարեփոխումներու Խորհուրդը Որոշած Է Պահպանել Պետութեան Կառավարման Ձեւաչափը

by MassisPost

Հայաստանի մէջ սահմանադրական բարեփոխումներու համար ստեղծուած Սահմանադրական Բարեփոխումներու Խորհուրդը որոշում կայացուցած է այս պահին պահպանել պետութեան կառավարման ձեւաչափը, իսկ վարչապետի, գործադիր իշխանութեան եւ այլ մարմիններու լիազօրութիւններու շրջանակի յստակացման հարցը կը նախատեսէ քննարկել Մարտի վերջը:

Այս մասին ըսաւ ՀՀ արդարադատութեան նախարար Գրիգոր Մինասեանը կառավարութեան նիստէն յետոյ լրագրողներու հետ ճեպազրոյցին:

Նախարարը ըսաւ, որ սահմանադրական բարեփոխումներու գործընթացը կ’ընթանայ բնական կշռոյթով: Կ’իրականացուին նաեւ հանրային քննարկումներ:

«Արդէն հայեցակարգային որոշ դրոյթներ ուրուագծուել են, դա «նախագահ»-ի գլխին վերաբերելի դրոյթներ են: Պետութեան կառավարման ձեւի պահպանման ու լաւարկման որոշում է կայացուել Խորհրդի կողմից: Այս փուլում ձեւաւորում ենք նոր յանձնաժողով: Նախկին յանձնաժողովը համապատասխան ժամկէտում իրականացրեց իր լիազօրութիւնները: Միւս շաբաթ արդէն նոր թեկնածուների ընտրութիւնն է լինելու», ըսաւ Մինասեան:

Նախարարը յայտնեց, որ այն հատուածը, որ Խորհուրդը արդէն քուէարկած է, կը պատրաստուին կարճ ներկայացնել:

Սահմանադրական Բարեփոխումներու Խորհուրդը ստեղծուած է վարչապետին որոշմամբ 2022 թուականի Յունուար 27-ին:

Հարակից Նյութեր

Leave a Comment