Արաբական Միացեալ Էմիրութիւններ կատարած աշխատանքային այցի ծիրին մէջ ՀՀ պաշտպանութեան նախարար Սուրէն Պապիկեանը հանդիպած է ԱՄԷ պաշտպանութեան պետական նախարար Մոհամմատ Ահմատ ալ Պովարտիի հետ:
Հանդիպման մասնակցած է նաեւ ՀՀ բարձր արհեստագիտական արդիւնաբերութեան նախարար Ռոպերթ Խաչատրեանը:
Քննարկուած են ՀՀ եւ ԱՄԷ միջեւ ռազմական եւ ռազմատեխնիկական համագործակցութեան ներկայ ընթացքն ու զարգացման հեռանկարները:
Հանդիպման աւարտին պաշտպանութեան նախարար Սուրէն Պապիկեանը ԱՄԷ պաշտպանութեան պետական նախարարը հրաւիրած է Հայաստանի Հանրապետութիւն: