Հայաստանի Հանրապետութեան վարչապետ Նիկոլ Փաշինեան կառավարութեան նիստի ընթացքին յայտնեց, որ կրնայ լուրջ հնարաւորութիւն ըլլալ` սկսելու Հորատիզ-Մեղրի-Օրտուպատ-Սատարաք-Երասխ երկաթուղիի վերականգնման աշխատանքները:
Փաշինեան ընդգծեց, որ Նոյեմբեր 23-ին Երեւանի մէջ Ռուսիոյ նախագահ Վլատիմիր Փութինի հետ բանակցութիւններուն ժամանակ դրական ազդակներ ստացած է վերջինէն:
«Նախորդ դառն փորձը հաշուի առնելով` հիմա ուզում եմ տեղեկատուութիւնը կիսել, բայց ասել, որ այս ամէնը դեռ պէտք է վերահաստատուի եւ արձանագրուի: Բայց լաւ է, որ մենք ֆինանսական հնարաւորութիւնների խնդիր չենք ունենայ», ըսաւ ան: