Հայաստանի վարչապետ Նիկոլ Փաշինեան յայտնեց, որ Փրակի մէջ կայանալիք Եւրոմիութեան ոչ-պաշտօնական գագաթաժողովի ծիրին մէջ քառակողմ հանդիպում պիտի ունենայ Ատրպէյճանի նախագահ Իլհամ Ալիեւի, Ֆրանսայի նախագահ Էմանուէլ Մաքրոնի, Եւրոպական Խորհուրդի նախագահ Շարլ Միշէլի հետ: Այս մասին Փաշինեան յայտարարեց Ազգային Ժողովին մէջ` տեղեկացնելով, որ Չեխիոյ մայրաքաղաքին մէջ կը նախատեսուի նաեւ հանդիպում Թուրքիոյ նախագահ Ռեճեպ Թայիպ Էրտողանի հետ:
«Ես մեկնում եմ Փրակ, մասնակցելու եմ եւրոպական քաղաքական համայնքի գագաթնաժողվին: Այդ շրջանակում քառակողմ հանդիպում է նախատեսուած իմ, Ատրպէյճանի նախագահի, Ֆրանսայի նախագահի եւ Եւրոմիութեան Խորհուրդի նախագահի միջեւ: Նաեւ նախատեսուած է հանդիպում Թուրքիայի նախագահի հետ: Դրա հնարաւորութեան մասին մենք յայտարարել էինք: Եթէ որեւէ բան չփոխուի, սրանք կը լինեն հիմնական հանդիպումները, որը, ըստ էութեան, ընդհանուր խաղաղութեան օրակարգի քննարկման մէջ է տեղաւորւում», յայտնեց վարչապետ Փաշինեան:
Ան տեղեկացուց նաեւ, որ Փրակէն պիտի մեկնի Սան Փեթերպուրկ` մասնակցելու ԱՊՀ ոչ-պաշտօնական գագաթաժողովին:
