Սեպտեմբեր 8-ին, Ատրպէյճանի Գերագոյն դատարանը մեղմացուցած է Հայաստանի չորս քաղաքացիներու նկատմամբ պատիժը, որոնք ձերբակալուած էին 2020 թուականի Դեկտեմբերին Հատրութի մէջ` ռազմական գործողութիւններու աւարտէն յետոյ:
Անոնց պատիժին չափը կրճատուած է 1 տարի 8 ամիս 25 օրով: Այս ժամկէտի աւարտին առիթով անոնք ազատ արձակուած են: Այս տեղեկութիւնը Turan գործակալութեան հաստատած են Գերագոյն դատարանէն:
Ըստ ոչ-պաշտօնական տեղեկութիւններու` այդ անձերը յառաջիկային պիտի յանձնուին Հայաստանի իշխանութիւններուն:
Գերագոյն դատարանի կայքը հրապարակած է Հայաստանի 26 քաղաքացիներու ցուցակը, որոնց վճռաբեկ բողոքները ներկայացուած են Սեպտեմբեր 7-ին:
Ըստ ամենայնի, ազատ արձակուած ՀՀ քաղաքացիներուն թիւը կը գերազանցէ չորսը:
