Աշխատանքային այցով Սպանիա գտնուող ՀՀ արտաքին գործերու նախարար Արարատ Միրզոյեան առանձնազրոյց ունեցած է Սպանիոյ արտաքին գործերու նախարար Խոսէ Մանուէլ Ալպարես Պուենոյի հետ:
Աւելի առաջ ՀՀ Արտաքին Գործերու Նախարարութենէն յայտնած էին, որ Յուլիս 5-7-ին Արարատ Միրզոյեան աշխատանքային այցով պիտի ըլլայ Սպանիոյ Թագաւորութեան մէջ: Այցի շրջանակներուն մէջ նախատեսուած են նախարար Միրզոյեանի հանդիպումները Պատգամաւորների Գոնկրէսի նախագահ Մերիչել Պաթեթի, արտաքին գործերու նախարար Խոսէ Մանուէլ Ալպարես Պուենոյի, ՄԱԿ Զբօսաշրջութեան Համաշխարհային Կազմակերպութեան գլխաւոր քարտուղար Զուրապ Փոլօլիքաշվիլիի հետ:
Նախարար Արարատ Միրզոյեան մամուլի համար յայտարարութեամբ հանդէս եկած է Սպանիոյ արտաքին գործերու նախարար Խոսէ Մանուէլ Ալպարես Պուենոյի հետ հանդիպման արդիւնքներով` նշելով, որ հայկական առաջին արբանեակի արձակումը տիեզերք հայկական պետական «Կէոքոսմոս» եւ սպանական «Սաթլանթիս» ընկերութիւններու առաջին յաջողած եւ ոչ-վերջին համատեղ աշխատանքի գերազանց արդիւնք է: