Ազգային Ժողովի արտահերթ նիստին պաշտպանութեան նախարար Սուրէն Պապիկեան անդրադարձաւ ընդդիմադիր պատգամաւորներուն:
«Ազգային Ժողովի մի պատգամաւոր` ընդդիմութիւնից, իրեն իրաւունք է վերապահում, երեւի շփոթել է, որ ինքն այլեւս չի աշխատում զինուորական գերատեսչութիւնում, զանգել է զինուորականներից մէկին, մասնաւորապէս, գլխաւոր զինկոմին ու հարցադրումներ արել` ի՞նչ իրաւունքով էք զօրակոչում ընդդիմութեան երիտասարդներին: Դուք ՀՀ քաղաքացի էք, թէ՞ ոնց: Ճիշդ է ասւում` Երեւանում երկիրը փրկելը, ի հարկէ, հեշտ է: Դուք փորձում էք մեզ մղել, մեր երկիրը տանել դէպի անորոշութիւն: Ես վերջին մէկ ամիսը յայտարարել եմ ճարտարապետական աշխատանքների ամիս, համեցէք, մասնակցէք աշխատանքներին: Այո՛, գնացէք եւ մասնակցէք եռամսեայ հաւաքներին, դուք ՀՀ քաղաքացի էք, ձեր համակիրները ՀՀ քաղաքացիներ են եւ հաւասար են բոլորի նման: Ամօթ է, վերջ տուէք: Միւս անգամ ձեզ իրաւունք չվերապահէք զանգել զինուորականներին կամ քօղարկուած կոչեր անել զինուորականներին, որովհետեւ նման կոչերը ենթադրում են նաեւ իրաւական պատասխանատուութիւն: Եւ, կարծում եմ, մեր իրաւապահները նաեւ պէտք է այս առումով ուշադիր լինեն, որովհետեւ իմ ականջին նման քօղարկուած կոչեր հասել են», ըսաւ նախարարը:
