Հայաստանի արտաքին գործերու նախարար Արարատ Միրզոյեան, որ աշխատանքային այցով Յունաստան կը գտնուի, Աթէնքի մէջ հանդիպած է Յունաստանի արտաքին գործերու նախարար Նիքոս Տենտիասի հետ:
Հանդիպման ընթացքին երկուստէք անդրադարձ կատարուած է երկկողմ յարաբերութիւններուն, կովկասեան տարածաշրջանի վերջին զարգացումներուն, ինչպէս նաեւ Ուքրանիոյ մէջ իրադրութեան: Յունաստանի Արտաքին Գործերու Նախարարութենէն յայտնած են, որ կողմերը վերահաստատած են յոյն-հայկական բարեկամութիւնն ու ամուր պատմական կապերը, խօսած են համագործակցութեան մասին:
Հանդիպման ծիրին մէջ Հայաստանի եւ Յունաստանի արտաքին քաղաքական գերատեսչութիւններուն միջեւ ստորագրուած է Եւրոմիութեան առնչուող հարցերու վերաբերեալ փոխըմբռնման յուշագիր:
Յունաստան կատարած աշխատանքային այցի շրջանակներուն մէջ ՀՀ արտաքին գործերու նախարար Արարատ Միրզոյեան հանդիպում ունեցած է Յունաստանի նախագահ Քաթերինա Սաքելլարոփուլուի հետ: