Հայաստանի Հանրապետութեան նախագահ Վահագն Խաչատուրեան ու բժշկագիտութեան ոլորտի Նոպէլեան մրցանակի դափնեկիր Արտեմ Փաթափութեանը Յունիս 13-ին այցելեցին «Սինոփսիս Արմենիա»: Անոնք շրջեցան ընկերութեան մէջ, ծանօթացան գործունէութեան, յառաջիկայ ծրագրերուն, ապա մասնակցեցան տեղեկատուական արհեստագիտութեան ոլորտի, գիտութեան արդի մարտահրաւէրներուն վերաբերող քննարկման ու պատասխանեցին ներկաներու հարցումներուն:
Վահագն Խաչատուրեան ըսաւ, որ մեր պետութիւնը, կերտելու, զարգացնելու բանալին մեր ձեռքն է: «Մենք գնում ենք դէպի գիտութիւն, դէպի բարձր արհեստագիտութիւններ: Այլ ընտրութիւն չունենք», ըսաւ նախագահը:
Ան նշեց, որ Սփիւռքը եւս պէտք է մասնակից ըլլայ մեր կեանքի փոփոխութեան, քանի որ այն միայն օգնութեան օղակ կամ հնարաւորութիւն չէ:
«Կարծում եմ լաւագոյն օրինակն է, թէ ինչպէս կարելի է գիտութեամբ յայտնի դառնալ աշխարհում: Մենք աղբիւրներ չունենք, բայց մենք կարող ենք մեր գիտելիքով աշխարհին ներկայանալի դառնալ եւ «Սինոփսիս»-ը դրա վառ օրինակներից մէկն է», ըսաւ ան:
Նոպէլեան մրցանակի դափնեկիր, մոլեքուլային կենսաբան, նեարդաբան Արտեմ Փաթափութեան շնորհակալութիւն յայտնեց ջերմ ընդունելութեան համար եւ նշեց, որ ինքզինք կը զգայտան մէջ:
«Սինոփսիս Արմենիա»-ի տնօրէն Յովիկ Մուսայէլեանը կարեւոր համարեց, որ այն մարդիկ, ովքեր համաշխարհային ճանաչում կ’ունենան, չմոռնան նշել իրենց արմատներուն մասին, որ իրենք հայ են, մեծցել են հայկական ընտանիքի մէջ: «Առաջին անգամ հայ գիտնականն արժանանում է Նոպէլեան մրցանակի, եւ ես չափազանցրած չեմ լինի, եթէ ասեմ, որ այս յաջողութիւնը մեր ազգային նուաճումներից մէկն է», ըսաւ ան:
«Սինոփսիս Արմենիա»-ի նախագահ Երուանդ Զօրեանը իր հերթին ընդգծեց, որ առանձնայատուկ պատիւ եւ երջանկութիւն է հիւրընկալել Հայաստանի Հանրապետութեան Նախագահ Վահագն Խաչատուրեանը եւ արդէն հանրաճանաչ հայորդի, Նոպէլեան մրցանակի դափնեկիր, մոլեքուլային կենսաբան, նեարդաբան Արտեմ Փաթափութեանը: «Անչափ կը կարեւորեմ նման հանդիպումները, քանի որ անոնք կու տան երկխօսութեան, անձնային ձեւաչափով միտքերու եւ փորձի փոխանակման, ինչպէս նաեւ յաջողութեան պատմութիւններու մատուցման հնարաւորութիւն, ինչ որ այսօր կենսականօրէն կարեւոր է մեր երիտասարդ ճարտարագէտներուն եւ գիտութեամբ զբաղողներուն համար իրենց մասնագիտական ասպարէզը եւ գիտական գործունէութիւնը ճիշդ եւ արդիւնաւէտ կազմակերպելու համար», ըսաւ Երուանդ Զօրեանը: