Home ԳԼԽԱՒՈՐ ԼՈՒՐԵՐ ՀՀ Զինուած Ուժերը Համալրուած Են Ուղղաթիռներով, ԱԹՍ-ներով Եւ Այլ Զինուորական Սարքերով

ՀՀ Զինուած Ուժերը Համալրուած Են Ուղղաթիռներով, ԱԹՍ-ներով Եւ Այլ Զինուորական Սարքերով

by MassisPost

Ազգային Ժողովի Պաշտպանութեան եւ Անվտանգութեան Հարցերու Մշտական Յանձնաժողովի նիստին ներկայացուած է ՀՀ կառավարութեան 2022 թուականի Փետրուար 28-ի «Հայաստանի Հանրապետութեան կառավարութեան ծրագրի (2021-2026 թթ.) 2021 թուականի կատարման ընթացքի եւ արդիւնքներու զեկոյցին մասին» որոշմամբ հաւանութեան արժանացած զեկոյցը: ՀՀ պաշտպանութեան նախարարի տեղակալ Արման Սարգսեան նշած է ՀՀ Զինուած Ուժերու նախորդ տարուայ համալրումները:

«Զինուած Ուժերը համալրուել է ուղղաթիռներով, ԱԹՍ-ներով, հրթիռահրետանային, հակահրասայլային, հրետանային կապի, ճարտարապետական, հրաձգային, ռազմատեղեկագրական միջոցներով, զրահապատ մեքենաներով եւ այլն: Համալարումը կատարւում է կազմ-կառուցուածքային փոփոխութիւնների արդիւնքում առկայ կարիքների հաշուարկով, ընդ որում մատակարարումների մի մասը նախատեսւում է իրականացնել ՀՀ ռազմարդիւնաբերական համալիրի կազմակերպութիւնների միջոցով», ըսած է Սարգսեան:

Փոխնախարարը նաեւ նշած է, որ Զինուած Ուժերու 2022-2024 թուականներու կարիքներու ապահովման նպատակով ռազմարդիւնաբերական ոլորտի կազմակերպութիւններուն հետ կնքուած են հակաօդային պաշտպանութեան, հրթիռահրետանային, կապի, ռազմատեղեկագրական եւ այլ միջոցներու ձեռքբերման, նորոգման, թեքնիք սպասարկման պայմանագրեր:

Հարակից Նյութեր

Leave a Comment