Home ՀԱՅԱՍՏԱՆ Կը Փափաքինք Հաւասարակշռուած Դարձնել Այսպէս Կոչուած «Սուփըրվարչապետական Համակարգը». Անդրէասեան

Կը Փափաքինք Հաւասարակշռուած Դարձնել Այսպէս Կոչուած «Սուփըրվարչապետական Համակարգը». Անդրէասեան

by MassisPost

ՀՀ արդարադատութեան նախարար, Սահմանադրական Բարեփոխումներու Խորհուրդի նախագահ Կարէն Անդրէասեան կը փափաքի իշխանութեան թեւերու հաւասարակշռում` բարեփոխումներու ծիրին մէջ հաւասարակշռուած դարձնելով, այսպէս կոչուած, «սուփըրվարչապետական համակարգը»:

«Մեր գործող Սահմանադրութիւնը որեւէ էական լծակներ ու կարողութիւններ չի տուել Հանրապետութեան նախագահին: Մենք տեսնում ենք, որ յաճախ մեզ մեղադրում են, որ վարչապետական շատ մեծ ազդեցութիւն կայ, ներկայիս սահմանադրութիւնը լծակները տուել է վարչապետին: Ճիշդ է, դա մեզանից է տանելու լիազօրութիւններ, բայց մենք պատրաստ ենք քննարկել եւ հաւասարակշռել իշխանութեան թեւերի միջեւ տարանջատումը: Եւ այն, ինչ տեղի ունեցաւ 2015-ին` իրական խորհրդարանական պետութիւն ստեղծելու հետ կապուած, ցաւօք սրտի, հաւասարակշռութիւնը խախտուած ստացուեց: Եւ դա է, որ կարծում եմ, պէտք է առաջին հերթին քննարկուի ու շտկուի», ըսաւ Անդրէասեան:

Ըստ նախարարին` միեւնոյն ժամանակ պէտք չէ կառավարութենէն եւ վարչապետէն լիազօրութիւնները վերցնել ու տալ նախագահին կամ խորհրդարանին:

Անդրէասեան յատուկ շեշտեց, որ կառավարութիւնը, վարչապետը, անձամբ ինք չեն փափաքիր ուղղորդել, թելադրել Սահմանադրական Բարեփոխումներու Խորհուրդին, յանձնաժողովին, թէ որն է հաւասարակշռման ճիշդ ձեւը: Անդրէասեան նշեց, որ կ’աշխատի զուսպ խօսիլ այդ փոփոխութիւններուն մասին, որ չուղղորդէ յանձնաժողովը, որ պիտի ձեւաւորուի եւ աշխատի:

Անդրադառնալով այն հարցին, թէ՝ այսինքն պատրաստակա՞մ են, որ այսպէս կոչուած, «սուփըրվարչապետական» համակարգ չըլլայ, ան ըսաւ. «ընդհանրական իմաստով այո՛, մենք, այսպէս կոչուած «սուփըրվարչապետական համակարգը» կ’ուզենք դարձնել հաւասարակշռուած համակարգ:

Ան նկատեց, որ կայ քննարկում` վերադառնալու նախագահական, կիսանախագահական համակարգին: Ինք անձամբ դէմ է կառավարման համակարգի փոփոխութեան, բայց վստահ յստակ չի կրնար ըսել, թէ ինչ պիտի ըլլայ կառավարութեան մօտեցումը, քանի որ ոչ կառավարութեան մէջ, ոչ ալ կուսակցութեան մէջ վերջնական նման որոշում կայ: «Եւ դա բնական է, որ չկայ, որովհետեւ մենք չենք եկել թելադրելու այստեղ հաւաքուած մարդկանց, պատուէր չենք իջեցնում, թէ ինչպէս անեն: Մենք եկել ենք իրենց լսելու, յետոյ մասնագիտական յանձնաժողովին լսելու», ըսաւ ան` չբացառելով, որ գուցէ նաեւ իր կարծիքն ալ փոխէ:

Անդրադառնալով ՀՀ նախագահի պաշտօնէն Արմէն Սարգսեանի հրաժարականին, ան նշեց, որ եթէ նախագահի հրաժարականին պատճառը որոշ լիազօրութիւններ չունենալն էր, ապա շտապած է: «Ինչու եմ ասում շտապեց, քանի որ հէնց այս խորհուրդը եւ գործընթացը պէտք է լուծէր այդ խնդիրները», ըսաւ Անդրէասեան:

Հարակից Նյութեր

Leave a Comment