«Շուշիի մօտ մէկ հոգի զոհուել է, երեքը վիրաւորուել են». ըստ Արցախի Ազգային Անվտանգութեան Ծառայութեան (ԱԱԾ) քաղաքի մօտակայ խաչմերուկին վրայ Նոյեմբեր 8-ին ատրպէյճանական կողմէ կրակոցներ արձակուած են տուեալ վայրը ջրատար խողովակներու վրայ աշխատանքներ կատարող քաղաքացիական անձերուն վրայ:
Անոնք փոխադրուած են Ստեփանակերտի հիւանդանոց: Երեք վիրաւորներուն կը ցուցաբերուի բժշկական օգնութիւն, հաղորդած է Արցախի ԱԱԾ-ն:
Դէպքի հանգամանքները պարզելու ուղղութեամբ, իրաւապահ կառոյցները կը կատարեն օփերաթիւ-հետախուզական եւ քրէադատավարական միջոցառումներ:
Ատրպէյճանական կողմէ դեռ որեւէ արձագանգ չկայ:
Յիշեցնենք, որ Հոկտեմբեր 9-ին Մարտակերտի յարակից տարածքը գտնուող նռան այգին, Ատրպէյճանի զինուած ուժերու դիպուկահարի կրակոցէն զոհուած էր քաղաքի 55-ամեայ բնակիչը:
