Հայաստանի ճատրակի տղամարդոց հաւաքականի անդամ՝ Հայկ Մարտիրոսեան դուրս մնաց աշխարհի բաժակի խաղարկութենէն: «Արմէնփրէս»-ի հաղորդմամբ` Ռուսաստանի Սոչի քաղաքի մէջ ընթացող ճատրակի աշխարհի բաժակի խաղարկութեան 1/8 եզրափակիչին Մարտիրոսեան tiebreak-ի մէջ մրցակցեցաւ Իրանէն Ամին Թապաթանաէի հետ: Tiebreak-ի առաջին խաղը աւարտեցաւ ոչ-ոքի, իսկ երկրորդ խաղին հայ ճատրակ խաղացողը սեւ խաղաքարերով պարտուեցաւ: Երկու խաղերու ընդհանուր 1,5:0,5 հաշուով Մարտիրոսեան դուրս մնաց հետագայ պայքարէն:
