«Քաղաքացիական պայմանագիր» (ՔՊ) կուսակցութիւնը, սեփական դիմումի հիման վրայ, Սահմանադրական դատարանի աշխատակարգային որոշմամբ ներգրաւուած է, որպէս երրորդ անձ Յունիս 20-ի արտահերթ խորհրդարանական ընտրութիւններու արդիւնքներու վիճարկման վերաբերեալ միաւորուած գործով դատավարութեան: Այս մասին յայտնած է արդարադատութեան նախարարի պաշտօնակատար՝ Ռուստամ Բադասեան:
«Առաջիկայում կը ներկայացուի ՔՊ իրաւական դիրքորոշումը ներկայացուած դիմումների կապակցութեամբ», – նաեւ գրած է Բադասեան Դիմատետրով:
Յիշեցնենք, որ «Հայաստան» եւ «Պատիւ ունեմ» դաշինքները, «Զարթօնք» եւ «Հայոց հայրենիք» կուսակցութիւնները վիճարկած են ընտրութիւններու արդիւնքները Սահմանադրական դատարանի մօտ: Բարձրագոյն ատեանը որոշած է միաւորել 4 դիմումները եւ զանոնք քննել Յուլիս 9-ի նիստին:
Որպէս պատասխանող կողմ դատավարութեան ներգրաւուած է Կեդրոնական ընտրական յանձնաժողովը, իսկ որպէս յարակից պատասխանողներ՝ Դատախազութիւնը, Ոստիկանութիւնը եւ Հեռուստատեսութեան եւ ռատիոյի յանձնաժողովը: