Հայաստանի Հանրապետութեան նախագահ՝ Արմէն Սարգսեան Ամերիկայի Միացեալ Նահանգներու Անկախութեան օրուան ընդառաջ այցելած է Հայաստանի Հանրապետութեան մօտ Միացեալ Նահանգներու արտակարգ եւ լիազօր դեսպան՝ Լին Թրէյսիի կեցավայրը:
Նախագահի մամլոյ գրասենեակէն յայտնած են, որ նախագահ Սարգսեան շնորհաւորած է դեսպան Թրեյսին եւ յանձին անոր՝ դեսպանութեան անձնակազմը ու Միացեալ Նահանգներու ողջ ժողովուրդը ազգային տօնին առթիւ:
Զրուցակիցները մտքեր փոխանակած են հայ-ամերիկեան յարաբերութիւններու օրակարգի եւ երկկողմանի փոխգործակցութեան զարգացման հեռանկարներու շուրջ: