2021 թուականի Յունուար-Մայիս ամիսներուն, Հայաստանի պետական եկամուտներու կոմիտէի (ՊԵԿ) կողմէն ապահովուած է 618,4 միլիառ դրամ (մօտ 1,19 միլիառ տոլար) համախառն հարկային եկամուտ: ՊԵԿ-ի տեղեկատուութեան եւ հասարակայնութեան հետ կապերու բաժնի հաղորդագրութեան համաձայն՝ անցեալ տարուայ նոյն ժամանակաշրջանին ցուցանիշը կազմած է 583,6 միլիառ դրամ, իսկ 2019-ին՝ 571,2 միլիառ դրամ: Այսպիսով, նախորդ տարուայ նոյն ժամանակաշրջանի համեմատ պետական պիւտճէի համադրելի եկամուտներու աճը կազմած է 34,7 միլիառ դրամ կամ 5,9 տոկոս, իսկ 2019-ի Յունուար-Մայիս ամիսներու համեմատ՝ 47,2 միլիառ դրամ կամ 8,3 տոկոս:
2021-ի Առաջին Հինգ Ամիսներուն Ապահովուած Է 1.9 Միլիառ Տոլար Հարկային Եկամուտ
